Հայաստան – Իտալիա խաղի տոմսերը վերավաճառվում են աստղաբաշխական գներով

ԵՎՐՈ 2020-ի Հայաստան – Իտալիա խաղի տոմսերը պահանջարկը շատ մեծ է, բայց դրանք արդեն վաղուց սպառվել են:

«Սև շուկայում», սակայն, տոմսերը վերավաճառվում են ու այն էլ աստղաբաշխական գներով: List.am-ի հայտարարություններից մեկում օգտատերերից մեկը արևելյան տրիբունայի տոմսերը, որի իրական արժեքը 6 հազար դրամ է, վաճառում է 55 հազար դրամով:

Մեկ այլ օգտատեր արևմտյան տրիբունայի տոմսերը վաճառում է 25 հազար դրամով (իրական արժեքը՝ 10 հազար դրամ):

Հիշեցնենք, որ հյուսիսային տրիբունայի գների արժեքն էր հազար դրամ, արևմտյան տրիբունայի կենտրոնական հատվածներինը՝ 12 հազար, իսկ կողայինները՝ 10 հազար, արևելյան տրիբունայի կենտրոնական հատվածներինը՝ 6000, իսկ կողայինները՝ 3 հազար դրամ: