Ինչ է կատարվում եվրոպական առաջնություններում

Ֆուտբոլի Եվրոպայի առաջատար երկրների ակումբային առաջնություններն աստիճանաբար թափ են հավաքում եւ թողնում հակասական տպավորություն:

ԱՆԳԼԱ

Պրեմիեր լիգայի բոլոր խաղերն անցնում են հետաքրքիր եւ դիտարժան պայքարում: Արդեն ուրվագծվում են առաջատարները, անգամ այն թիմերչը, որոնք պայքարելու են տեղը ուժեղագույնների խմբում պհպանելու համար: Ակնհայտ է, որ չեմպիոն դառնալու է կամ «Լիվերպուլը» կամ «Մանչեսթեր Սիթին»: «Արչսենալը», «Տոտենհեմը», «Մանչեսթեր Յունայթեդը», «Չելսին» կարող են պայքարել երրորդ եւ չորրորդ տեղերի համար:

Չորս տուրից հետո լիվերպուլցիներն ունեն 12 միավոր եւ երկու միավորով առաջ են «Մանչեսթեր Սիթիից»: Երրորդ տեղում ութ միավորով «Լեսթեր» ակումբն է:

ԻՍՊԱՆԻԱ

Այս երկրի ուժեղագույն առաջնությունը ճգնաժամի մեջ է: Տպավորություն է, որ սցենարիստները մշակել են առաջնությունը հետաքրքիր դարձնելու ծրագիր եւ ուժեղագույն թիմերին պարտադրում են միավորներ կորցնել: Այս ամենն այնքան ակնհայտ է, որ ոչ թե առաքջնության վարկանիշը բարձրացնում, այլ գցում է: 

«Ռեալն» եւ «Բարսելոնան» ձեռք-ձեռքի տված ջանքեր են գործադրում միավորներ կորցնելու համար, որը, ըստ սցենարիստների, իբր առաջնությունն ավելի հետաքրքիր կդարձնի, բայց իրականում այս ամենը տխուր եւ ծիծաղելի տպավորություն է թողնում:

Իսկ այս տրագիկոմեդիայի պայմաններում երեք տուրից հետո աղյուսակը ինը միավորով գլխավորում է զզվելի ֆուտբոլ ցուցադրող Մադրիդի «Ատլետիկոն»: «Ռեալը» 5 միավորով 5-րդն է, իսկ «Բարսելոնան» 4 միավորով 8-րդն է:

ԻՏԱԼԻԱ

Այստեղ ընդամենը երկու տուր է խաղացվել, բայց տպավորություն է, որ առաջնությունը հետաքրքիր է լինելու: Տպավորիչ էր 4:3 հաշվով ավարտված «Յուվենտուս»- «Նապոլի» հանդիպումը:

ԳԵՐՄԱՆԻԱ

Գերմանական առաջնությունը թվում է, թե պետք է անհամեմատ ավելի հետաքրքիր լինի, քան անցած մրցաշրջանում:

Երեք տուրից հետո աղյուսակը հարյուր տոկոսանոց արդյունքով գլխավորում է «Լայպցիգը»: Նրանից երկու միավորով հետ են մնում «Բավարիան», «Վոլֆսբուրգն» ու «Բայերը»:

ՖՐԱՆՍԻԱ

Չորս տուրից հետո Ֆրանսիան չորս առաջատար ունի: Երեք միավոր կորցրած «Պարի Սեն Ժերմենը», «Ռենը», «Նիսը» եւ «Անժերը» գլխավորում են աղյուսակը, իսկ «Մարսելը» առաջատարներից հետ է մնում երկու միավորով, բայց յոթ միավոր ունեն նաեւ եւս չորս թիմեր:

Առայժմ միավոր չունի միայն «Դիժոնը»:

Top-News.am