«Դա սեր էր առաջին հայացքից». Կրիշտիանու Ռոնալդուի ընկերուհին պատմել է ֆուտբոլիստի հետ սիրավեպի մասին

Իսպանացի մոդել Ջորջինա Ռոդրիգեսն առաջին անգամ պատմել է պորտուգայացի հայտնի ֆուտբոլիստ Կրիշտիանու Ռոնալդուի հետ իր սիրավեպի մասին, գրում է glamourfame.com-ը:

«Մենք հանդիպել ենք 2016թ.-ին՝ Gucci-ի երեկույթի ժամանակ, որտեղ ես վաճառքի գծով օգնական էի աշխատում: Օրեր անց մենք կրկին հանդիպեցինք բրենդի մեկ այլ երեկույթի ժամանակ: Հենց այդ ժամանակ էլ սկսեցինք ավելի ազատ շփվել միմյանց հետ, քանի որ միջոցառումը պաշտոնական չէր: Շուտով հայտնաբերեցինք, որ սիրահարվել ենք առաջին հայացքից»,- պատմել է մոդելը:

Բացի այդ՝ խոստովանել է, որ իր կյանքում ամեն ինչ «այնքան էլ հարթ չէ»:

«Պարզվում է՝ երբ սիրելիդ Ռոնալդուի պես հայտնի մարդ է, կյանքը դժվարանում է… Սակայն ես ոչնչի համար չեմ զղջում և ոչինչ չէի փոխի»,- պարզաբանել է 24-ամյա Ջորջինան:

Չնայած զույգն արդեն մի քանի տարի է միասին է, մոդելն ընդգծել է, որ իրենց կյանքում ռոմանտիկայի և սիրային խաղերի համար դեռևս տեղ կա: «Շարունակել երազել և չհոգնել կրկին ու կրկին սիրելիին գայթակղելուց. ահա մեր զգացմունքները պահպանելու իմ բանաձևը»,- խոստովանել է նա:

Նա մանրամասնել է, որ փորձում է միշտ գայթակղիչ տեսք ունենալ 34-ամյա ընկերոջ համար և եթե անգամ հոգնած է լինում, աշխատում է դա ցույց չտալ: