Goal. Չի լինի ոչ մի գործարք․ Նեյմարը հայտնել է խաղընկերներին, որ մնում է ՊՍԺ-ում

«Պարի Սեն Ժերմենի» բրազիլացի հարձակվող Նեյմարը չի հեռանա ակումբից տրանսֆերային պատուհանի վերջին օրը։ Այս մասին հայտնում է Goal-ը։

Աղբյուրի տեղեկություններով՝ «Բարսելոնան» այլևս ոչ մի առաջարկով հանդես չի գա 27-ամյա ֆուտբոլիստին վերադարձնելու համար։ Նեյմարն էլ հայտնել է ՊՍԺ-ի իր խաղընկերներին, որ մնում է թիմում։ Այսպիսով, ոչ մի գործարք այսօր կողմերի միջև տեղի չի ունենա, ու Նեյմարը կմնա ՊՍԺ-ում։

Հիշեցնենք, որ ամառային տրանսֆերային պատուհանի մեկնարկին Նեյմարը հայտնել էր, որ երջանիկ չէ ՊՍԺ-ում և ուզում է վերադառնալ «Բարսելոնա»։ Կատալոնական ակումբը մեծ ջանքեր գործադրեց բրազիլացուն հետ բերելու համար, սակայն բանակցությունները, փաստորեն, արդյունք չտվեցին։

Ավելի վաղ հայտնի էր դարձել, որ Նեյմարի հարաբերությունները ակումբի ղեկավարության հետ կարգավորվել են, և հնարավոր է, որ նա մնա թիմում։