Անատոլիայում առաջին սինթետիկ ներկը հայերն են օգտագործել

Հայաստանի՝ Վանի թագավորության արքա Ռուսա (Հրաչյա) Երկրորդի (Ք.ա. մոտ 685-645 թթ.) կողմից Վանա լճի մոտակայքում կառուցված Հայանիս ամրոցի տարածքում կատարված հնագիտական աշխատանքների արդյունքում հայտնաբերվել են մարդու կողմից օգտագործված ամենահին սինթետիկ ներկի նմուշներ:

Այս մասին հայտնում է թուրքական «Անադոլու» լրատվական գործակալությունը:

Ըստ մասնագետների՝ պեղումների արդյունքում հայտնաբերված պատը ներկվել է հայերի կողմից 2 հազար 700 տարի առաջ:

Ավելի վաղ այդ ներկից հայտնաբերվել էր Եգիպտոսում, եւ այն ստացել էր «Եգիպտական կապույտ» անվանումը:

Ստացվում է, որ այն ոչ թե Եգիպտական կապույտ է, այլ հայկական կապույտ:

Ի դեպ, թուրքերը որոշ գիտնականների մատուցմամբ շեշտում են ոչ թե հայկական, այլ Ուրարտուի թագավորության մասին, փորձելով տպավորություն ստեղծել, թե խոսքը Հայաստանի եւ հայերի թագավորության մասին չէ:

Թուրքերը դեռ հասկանալի է, որոշ հայ գիտնականներ համառորեն շարունակում են օգտագործել Ուրարտուի թագավորություն եզրույթը:

Top-News.am