Ռոնալդու. «Հույս ունեմ, որ Մադրիդում ինձ նորից չեն սուլի ու ոչ սպորտային բաներ չեն գոռա»

«Յուվենտուսի» հարձակվող Կրիշտիանու Ռոնալդուն Չեմպիոնների լիգայի խմբային փուլի վիճակահանության ավարտից հետո խոսել է Մադրիդի «Ատլետիկոյի» հետ սպասվելիք դիմակայության մասին:

«Դա պարզապես մեր հերթական հանդիպումներից է լինելու: «Ատլետիկոն» հիանալի թիմ է, ինչպես մենք գիտենք:

Ես շատ եմ խաղացել Մադրիդում (ընդդեմ «Ատլետիկոյի»-խմբ), և նրանք միշտ ամուր մրցակցի տպավորություն են թողել: Հույս ունեմ, որ այս անգամ ինձ չեն սուլի ու ոչ սպորտային բաներ չեն գոռա:

«Ատլետիկոն» հիանալի թիմ ու մարզիչ ունի: Մյուս երկու մրցակիցները («Բայեր», «Լոկոմոտիվ»-խմբ) նույնպես հեշտ չեն: Այդպիսին է վիճակահանությունը»,-ասել է պորտուգալացի ֆուտբոլիստը:

Ռոնալդու. «Չեմպիոնների լիգայում ֆավորիտներ չկան. հիշեք «Բարսելոնային» «Էնֆիլդում»