Էլինար Վարդանյան. «Մեր հիմնական նպատակն է ուժեղացնել դաշինքը» (տեսանյութ)

Zham.am-ի «Ամբիոն» հաղորդման հյուրն է «Համախմբում» կուսակցության փոխնախագահ¸ ԱԺ պատգամավոր Էլինար Վարդանյանը: Հաղորդման ընթացքում նա խոսեց մի շարք օրենսդրական նախաձեռնություններից¸ մասնավորապես Վարչական իրավախախտումների օրենքում փոփոխություններ կատարելու նախագծի մասին¸ որի իմաստը նրանում է¸ որ կարմիր գծերի վրա կայանելու համար «sms» հաղորդագրության ուշանալու դեպքում վարորդը տուգանվում է 5000 դրամով¸ իսկ նախագիծը ենթադրում է տուգանքի չափը նվազեցնել մինչև 1000 դրամ:
Էլինար Վարդանյանը խոսեց նաև ԱԺ ընտրությունների ժամկետը տեղափոխելու նախաձեռնության մասին և ընդգծեց¸ որ կոնսուլտացիաներ են ընթանում՝ այդ հարցով Սահմանադրական դատարան դիմելու վերաբերյալ:
«Համախմբում» կուսակցության փոխնախագահը անդրադարձավ նաև իրենց դաշինքի գործունեությանը՝ ընդգծելով¸ որ այն է՛լ ավելի ընդլայնվելու միտում ունի¸ իսկ «Համախմբում» կուսակցությունը նախընտրական այս շրջանում զբաղված է իր տարածքային կառուցների ցանցն ընդլայնելով։

Մանրամասները՝ տեսանյութում։