Ինչո՞ւ է հրաժարական տալիս Լևոն Ջուլֆալակյանը․ Հունահռոմեական ըմբշամարտի հավաքականի գլխավոր մարզչի ասուլիսը՝ ուղիղ
Հունահռոմեական ըմբշամարտի հավաքականի արդեն նախկին գլխավոր մարզիչ Լևոն Ջուլֆալակյանն օգոստոսի 27-ին լրագրողների հետ հանդիպմանն անդրադարձավ իր հրաժարականի պատճառներին:
«Իմ աշխատանքային ավելի քան 20 տարիներին գլխավորել եմ ազգային հավաքականը, այդ տարիների ընթացքում բոլորդ ծանոթ եք մեր հաջողություններին, դրանք տարեցտարի ավելացել են: Պարզ ասեմ՝ մեդալների հաշվարկ առայսօր չէի արել, երեկ ստիպված էի անել, որ ավելի լիարժեք ներկայացնեմ մեր հանրությանը: Այս տարիների իմ աշխատանքի արդյունքում ձեռք է բերվել 70 մեդալ, որոնք հիմնականում Եվրոպայի, Աշխարհի, Աշխարհի գավաթի, Օլիմպիական խաղերի մեդալներն են»,- ասաց նա:
Ջուլֆալակյանը հայտնեց, որ խնդիրներ չի ունեցել ոչ սպորտի նախարարության, ոչ Օլիմպիական կոմիտեի, ոչ ֆեդերացիայի հետ կապված, տեղեկացրեց՝ երեք կառույցների ղեկավարներն էլ կողմ չեն եղել իր որոշմանը, սակայն ինքը համոզված է՝ իր որոշումը ճիշտ է:
Ներկայացնելով հրաժարականի պատճառները՝ Ջուլֆալակյանը նշեց, որ վերջին ամիսների ընթացքում տարաձայնություններ կան հավաքականում, որոշ մարզիկներ ցանկանում են, որ գլխավոր մարզիչը աշխատի իրենց թելադրանքով, որ ուսումնամարզական պլանը կազմվի իրենց ցանկությամբ, մրցումների մասնակցության վայրը, մասնակիցների կազմը ևս ընտրվի իրենց ցանկությամբ:
«Կարճ ասած՝ կազմակերպվում է դավադրություն, պատճառն ինչ-որ տեղ հասկանալի է, ինչ-որ տեղ անհասկանալի, բայց փաստը մնում է փաստ, իմ բնավորության անձնավորությունը չի կարող շարունակել աշխատանքը»,- նշեց նա:
Ջուլֆալակյանն ասաց՝ ցանկանում է, որ ճիշտ ընտրություն կատարեն, ավելի պատրաստված մարզիչ ընտրեն, որը կկարողանա հասկանալ թիմի հոգեբանությունը: Ջուլֆալակյանը նշեց՝ նա արել է այն, ինչ կարողացել է:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ցեմենտի ներմուծումը 6 ամսով կսահմանափակվի
Ստոկհոլմի արբիտրաժային տրիբունալը բավարարել է Հայաստանի միջնորդությունը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...