Վարդան Մինասյան․ Գոհացրեց մեր թիմի բնավորությունը
Եվրոպայի լիգայի որակավորման վերջին փուլի առաջին խաղում Լյուքսեմբուրգի չեմպիոն եւ գավաթակիր «Դյուդելանժի» նկատմամբ 2։1 հաշվով հաղթանակից հետո Հայաստանի չեմպիոն Երեւանի «Արարատ-Արմենիայի» գլխավոր մարզիչ Վարդան Մինասյանը պատասխանել է լրագրողների հարցերին։
«Բարդ խաղ ստացվեց։ Գոհացրեց մեր թիմի բնավորությունը, որը ցույց տվեցին մեր ֆուտբոլիստները հանդիպման վերջնամասում։
Ի տարբերություն «Սաբուրթալոյի», «Դյուդելանժի» թիմային խաղը ավելի բարձր մակարդակի վրա է։ Լավ տպավորություն էին թողել եւ զարմանալի է, քանի որ մտածում էինք՝ նրանք ուժային խաղ կցուցադրեն, բայց ավելի շատ ձգտում էր գնդակ պահել։ Ֆիզիկապես այսօր չզիջեցինք մրցակցին։ Վերջնամասում կարողացանք ավելացնել ճնշումը։
Կոբյալկոն կախյալ ֆուտբոլիստ է, Պետրոս Ավետիսյանի մոտ լավ չստացվեց խաղը։ Այդ պատճառով Կոբյալկոյի արդյունավետությունը ցածր էր։ Բայց Օգանան կարողացավ լավ մտնել խաղի մեջ եւ սրել պայքարը։ Կոջոյին անվերապահորեն վստահում եմ։ Հույս ունեմ, որ մեր կազմից ավելի շատ խաղացողները հրավերներ կստանան իրենց ազգային հավաքական։
Այսօր առանձին դրվագներում էինք դիմում պրեսինգի, դա էր մեր մարտավարությունը։
Հայաստանի հավաքականում իմ ապրումները երբեք նորից չեմ զգացել։ Հավաքականը լրիվ այլ մակարդակ է, եւ այդպիսի հույզեր չեմ կարծում, որ կունենամ ակումբում»,- նշեց Վարդան Մինասյանը։
Պատասխան հանդիպումը Լյուքսեմբուրգում տեղի կունենա օգոստոսի 29-ին եւ կմեկնարկի Երեւանի ժամանակով 22։00-ին։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ցեմենտի ներմուծումը 6 ամսով կսահմանափակվի
Ստոկհոլմի արբիտրաժային տրիբունալը բավարարել է Հայաստանի միջնորդությունը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...