«Դյուդելանժի» մարզիչ․ «Արարատ-Արմենիան» հզոր մրցակից էր
«Արարատ-Արմենիան» հզոր մրցակից էր, բայց մեր խաղը դեռ ավարտված չէ: Այս մասին Եվրոպայի լիգայի որակավորման փլեյ-օֆֆ փուլի առաջին խաղում «Արարատ-Արմենիայից» կրած 1։2 հաշվով պարտությունից հետո ասաց Լյուքսեմբուրգի չեմպիոն «Դյուդելանժի» գլխավոր մարզիչ, բելգիացի Էմիլիո Ֆերերան:
«Իհարկե, ես չէի ասել իմ թիմին պարտվել, ուղղակի սա այսօրվա խաղի արդյունքն էր: Առաջին խաղակեսը բարդ դասավորվեց մեզ համար: Երկրորդ խաղակեսում մեզ ավելի շատ հաջողվեց վերահսկել խաղը:
Յուրաքանչյուր թիմ բարդ մրցակից է Եվրոպայի լիգայում: Այսօրվա մրցակիցը շատ լուրջ ու բարդ էր: Նախորդ մրցակիցները նույնպես բարդ են եղել, թույլ թիմ չկա: Չեմ կարող ասել, թե խմբային փուլ դուրս գալու ինչ հնարավորություններ ունենք: Նույնը չի կարող ասել նաեւ «Արարատ-Արմենիան»:
Հաշիվը համապատասխանում է խաղին, չնայած ինչպես արդեն ասացի առաջին 15 րոպեում մենք բարդություններ ունեցանք: Մեր խաղը դեռ ավարտված չէ փլեյ-օֆֆ փուլում, մի մոռացեք, որ Հայաստանի թիմը երկրորդ գոլը խփեց միայն խաղի վերջին րոպեներին: Եվ արտագնա խաղում 1:2 հաշիվն այդքան էլ վատ արդյունք չէ»,- ասաց Էմիլիո Ֆերերան:
Պատասխան հանդիպումը Լյուքսեմբուրգում տեղի կունենա օգոստոսի 29-ին եւ կմեկնարկի Երեւանի ժամանակով 22։00-ին։
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
Ակադեմիական քաղաքի տարածքում հայտնաբերվել է հնագույն բնակավայր
Ինչո՞ւ են տոներն ավարտվում հիվանդանոցով․ վերջին 1 ամսում ՀՀ-ում մի քանի զանգվածային թունավորում է գր...
ՀՀ ԱԺ իններորդ գումարման առաջին նստաշրջան - 02.08.2026
Նիկոլ Փաշինյանը Վարչապետի աշխատակազմին է ներկայացրել նորանշանակ ղեկավար Լիլիթ Մակունցին
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
Ֆրանսիայում անտառային հրդեհների հետ կապված ձերբակալվել է 375 մարդ
Պատգամավորները 1 րոպե լռությամբ հարգեցին Սինջարի եզդիների ցեղասպանության զոհերի հիշատակը
Հայտնաբերվել է 496 ոչ սթափ վարորդ․ պարեկների անցած շաբաթվա ծառայության արդյունքները
Մեկնարկել են ՀՀ վարչապետի հովանու ներքո ուժային կառույցների միջև անցկացվող բանակային խաղերը