4:0 հաշվով պարտվում է ոչ միայն «Փյունիկը»

Մեկնարկել է Չեմպիոնների լիգայի փլեյ-օֆֆի փուլը: Ռուսաստանը ներկայացնող «Կրասնոդարը» Աթենքում 4:0 հաշվով պարտվեց «Օլիմպիակոսին», ցույց տալով, որ եվրոպական մրցաշարերում այս հաշվով միայն «Փյունիկը» չի պարտվում:

Հունական թիմի կազմում հաշվը առաջին խաղակեսում բացեց Գուերերոն, իսկ հանդիպման 85-89-րդ րոպեներին դաշտի տերերը երեք գոլ խփեցին եւ հաշիվը դարձին անհարմար խոշոր: Գոլի հեղինակ երկու անգամ դարձավ Ռանդյելովիչը, իսկ մեկ անգամ՝ Պոդենսեն:

Զագրեբի «Դինամոն» 2:0 հաշվով հաղթեց «Ռոսենբորգին», իսկ «Յանգ Բոյզը» 2:2 խաղաց «Ցրվենա Զվեզդայի» հետ:

Հիշեցնենք, որ երեկ կայացավ եւս երեք խաղ: «Ապոել»-«Այաքս» հանդիպումն ավարտվեց 0:0 հաշվով, ռումինական «Կլուժը» սեփական դաշտում 1:0 հաշվով պարտվեց չեխական «Սլավիայից», իսկ ԼԱՍԿ-ը 1:0 հաշվով սեփական դաշտում պարտվեց «Բրյուգեին»:

Top-News.am