Red Eagles-ը երկրպագուներին կոչ է արել մարզադաշտից աջակցել Արարատ-Արմենիային ու Փյունիկին

Հայաստանի հավաքականի ֆան-ակումբներից Red Eagles-ը ֆեյսբուքյան էջում կոչ է արել երկրպագուներին օգոստոսի 6-ին և 8-ին մարզադաշտից աջակցել «Արարատ-Արմենիային» ու «Փյունիկին», որոնք անցկացնելու են Եվրոպա լիգայի 3-րդ փուլի խաղերը։

Հայտարարության մեջ, մասնավորապես, ասվում է․

«Սիրելի՛ երկրպագուներ,

«Արարատ-Արմենիա» և «Փյունիկ» ֆուտբոլային ակումբները եվրոպական մրցասպարեզում ունեն պատմական հնարավորություն՝ առաջին անգամ հաղթահարելու ԵԼ որակավորման 3-րդ փուլի արգելքը։

Red Eagles-ը մարզադաշտից աջակցություն է ցուցաբերելու մեր ակումբներին և կոչ ենք անում բոլոր երկրպագուներին ներկա գտնվել հանդիպումներին և ցուցաբերել հզոր աջակցություն՝ հնարավորությունը հաղթանակի վերածելու բարդ ճանապարհին։

Տեղեկացնենք նաև, որ «Արարատ-Արմենիա»-«Սաբուրթալո» հանդիպումը տեղի կունենա օգոստոսի 6-ին ժամը՝ 19։00, Հանրապետական մարզադաշտում, իսկ «Փյունիկ»-«Վուլվերհեմփթոն» հանդիպումը տեղի կունենա օգոստոսի 8-ին, ժամը՝ 20։00-ին Հանրապետական մարզադաշտում»։