Երաժիշտ Էդ Շիրանի համերգային շրջագայությունը դարձել է ամենաեկամտաբերը շոու բիզնեսի ողջ պատմության մեջ

Բրիտանացի երաժիշտ Էդ Շիրանի «Divide» համերգային շրջագայությունը դարձել է ամենաեկամտաբերը շոու բիզնեսի ամբողջ պատմության մեջ: Նա կրկնել է U2-ի ռեկորդը: Այս մասին հայտնում է Guardian-ը:

Նշվում է, որ Շիրանն արդեն վաստակել է 736 միլիոն դոլար: Այն մեկնարկել է 2017 թվականին, կավարտվի այս տարվա օգոստոսի կեսերին: Նախորդ ռեկորդը սահմանել էր U2-ն՝ 735 միլիոն դոլարով:

Արդեն հայտնի է, որ աշխարհի 43 երկրում վաճառվել է 8.5 միլիոն տոմս:

Երաժիշտն ինստագրամյան էջում գրել է.

«Շնորհակալ եմ բոլորին և յուրաքանչյուրին, ով եկել է շոուին: Մնացել է 12 համերգ, ես երբեք դա չեմ մոռանա»: