Հայաստանը Եվրոպայի լիգայի երրորդ փուլում կներկայանա երկու թիմով

Հայկական երկրորդ ակումբը դուրս եկավ Եվրոպա լիգայի որակավորման երրորդ փուլ:

Այսօր Երևանի «Փյունիկը» մրցակցի հարկի տակ 0-0 խաղաց չեխական «Յաբլոնեցի» հետ ու ընդհանուր 2-1 հաշվով հաղթանակի շնորհիվ դուրս եկավ հաջորդ փուլ:

Թիմերի միջև առաջին խաղում Տարխանովի թիմը հաղթել էր 2-1 հաշվով: Պատասխան խաղն անչափ ծանր ստացվեց:

Տանտերերն անընդհատ գրոհում էին ու սպառնում երևանյան թիմի դարպասին: Վտանգավոր պահերը շատ էին, սակայն «Փյունիկը» դիմացավ մինչև վերջ:

Հանդիպման լարվածությունն ու անհաշտ պայքարն արտահայտում են երկու կարմիր քարտերը: Նախ 87-րդ րոպեին խաղադսշտից հեռավեց Էրիկ Վարդանյան, իսկ մեկ րոպե անց իր թիմին 10 ֆուտբոլիստով թողեց Բրեկան:

Հանդիպման վերջաբանը անհավանական լարված էր: Մրցավարի ավելացրած 6 րոպեները չափազանց ծանր պայքարում անցան:

«Փյունիկը» դիմացավ ու կարողացավ նվաճել երրորդ փուլի ուղեգիր: Տարխանովի ֆուտբոլիստներն, ամենայն հավանակնությամբ, կմրեցն անգլիական «Վուլվերհեմփթոնի» հետ: Անգլիական ակումբն առաջին խաղում 2-0 հաշվով հաղթել «Կրուսադերսին» ու, ըստ ամենայնի, հենց նրանք կլինեն «Փյունիկի» մրցակիցը:

armsport.am