Կոռուպցիայի մեջ մեղադրվող Ղրղըզստանի նախկին նախագահ Ատամբաևը թռավ Մոսկվա
Ղրղըզստանի նախկին նախագահ Ալմազբեկ Ատամբաևը Բիշքեկի մոտ գտնվող ռուսական ռազմակայանից այսօր թռել է Մոսկվա: Այդ մասին Ֆեյսբուքի իր էջում գրել է Սոցիալ-դեմոկրատական կուսակցության մամուլի խոսնակ Կունդուզ Ջոլդուբաևան, նշելով, որ հրավիրող կողմը Ատամբաևի հետևից օդանավ էր ուղարկել:
Ատամբաևը այդ կուսակցության առաջատար անդամներից է համարվում: Ավելի վաղ նա ասել էր, թե երկու օրով Ռուսաստան է մեկնելու` չհստակեցնելով հրավիրող կողմի անունը:
Ալմազբեկ Ատամբաևի դեմ Ղրղըզստանի նոր իշխանությունները քրեական գործ են բացել՝ նրան մեղադրելով կոռուպցիայի մեջ: Խորհրդարանը նրան զրկել էր անձեռնմխելիությունից: Նրա փաստաբանը այդ որոշումը հակասահմանադրական էր գնահատել:
Նախկին նախագահն իրեն առաջադրված մեղադրանքը չի ընդունում՝ այն համարելով քաղաքական: Նա անտեսել էր հարցաքննության ներկայանալու երեք ծանուցումները, իսկ հուլիսի 22-ին նրա առանձնատուն էր գնացել ներքին գործերի փոխնախարարը:
Ալմազբեկ Ատամբաևը Ղրղըզստանի նախագահ է եղել 2011-2017 թվականներին:
Ուղիղ հեռարձակում
Իրանը հարվածներ է հասցրել Բահրեյնում գտնվող ամերիկյան բազային
Քննարկվել են Հայաստանի ներգրավվածության հնարավորությունները
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Ես չեմ ուզում հիմա բանակցել. Թրամփ
Թեհրանը հավերժ կմնա Հորմուզի նեղուցի պահապանը․ Արաղչի
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
ՀԷՑ-ը 2 միլիարդի հիմնանորոգում է իրականացնելու
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Կենսաչափական նոր անձնագրերի տպագրության մեկնարկը տրված է
Առաջիկա օրերին սպասվում է փոփոխական եղանակ․ ջերմաստիճանը կնվազի