Բեյլի գործակալը Զիդանի խոսքերին աղմկոտ արձագանք է տվել

Մադրիդի «Ռեալ»-ի կիսապաշտպան Գարեթ Բեյլի՝ ակումբը լքելու գործընթացն արագանում է: «Բավարիա»-ի հետ ընկերական հանդիպումից հետո «սերուցքայիններ»-ի գլխավոր մարզիչ Զինեդին Զիդանը հայտարարել էր, որ ֆուտբոլիստը շուտով նոր ակումբ է ունենալու: Ֆրանսիացին հայտնել էր, թե ակումբում հույս ունեն, որ Բեյլը շուտով կլքի թիմը. դա լավ կլինի բոլորի համար:

Ինչպես հայտնում է Armsport-ը, այս հայտարարության մասին կարծիք է հայտնել նաև կիսապաշտպանի գործակալ Ջոնաթան Բարնետը. «Մենք աշխատում ենք Բեյլի տրանսֆերի ուղությամբ: Զիդանը խայտառակություն է: Նա ոչ մի գրամ հարգանք չի ցուցաբերում այն խաղացողի հանդեպ, որն այդքան բան է արել «Ռեալ»-ի համար»,- Բարնետի խոսքը մեջբերում է լրագրող Տոմ Օլանտան:

Բաժանորդագրվեք Top-News.am-ին Telegram-ում