«Ուկրաինա» հրթիռային հածանավը կապամոնտաժվի եւ կվաճառվի որպես մետաղի ջարդոն (տեսանյութ)

Ուկրաինայի նախագահ Վլադիմիր Զելենսկին համացանցում տեսանյութ է տեղադրել, որտեղ ցույց է տալիս, թե ինչ սարսափելի վիճակում է գտնվում «Ուկրաինա» հրթիռային հածանավը, հաղորդում է «Economy Today»-ը:

Գումարի բացակայության պատճառով հածանավի կառուցումը դադարեցվել է 1996-ից: Կադրերից երեւում է, որ այն այժմ ամբողջովին ժանգոտած է: Նավի հիմնական բաղադրիչներն ու սպառազինությունները գտնվում են վատ վիճակում:

Վլադիմիր Զելենսկին Ուկրաինայի պաշտպանության նախարար Ստեփան Պոլտորակի հետ միասին ստուգել է հածանավը դրսից եւ ներսից:  «Ստուգման» արդյունքներից հետո պաշտպանության նախարարը Զելենսկուն խորհուրդ է տվել սկսել հածանավի մասնակի ապամոնտաժումը:

 «Ուկրաինա» հրթիռային հածանավը 1990 թվականից  գտնվում է Նիկոլաեւի նավաշինության գործարանի տարածքում, անավարտ վիճակում: 2017 թվականին նախկին նախագահ Պյոտր Պորոշենկոն որոշում է ընդունել ապամոնտաժել հածանավը եւ այն վաճառել որպես մետաղի ջարդոն:

Top-News.am

Բաժանորդագրվեք Top-News.am-ին Telegram-ում