Տեսախցիկը ֆիքսել է՝ ինչպես է տղամարդը չթրջվելու համար մի կնոջ շալակը ելնում (տեսանյութ)

ԱՄՆ Նյու Ջերսի նահանգի Էսսեքս շրջանի գնացքի կայարաններից մեկում տեսախցիկը ֆիքսել է՝ ինչպես է ինչ-որ մի կին կոստյում հագած տղամարդուն ուսերի վրա վերցնում՝ օգնելով առանց թրջվելու անցնել կայարանի՝ ջրի տակ անցած հատվածով, գրում է Daily Mail-ը:

Տեսանյութում երևում է այն պահը, երբ մուգ գույնի կոստյումով տղամարդն աստիճանների մոտ սպասում է կնոջը, այնուհետև նրա շալակն է ելնում և այդպես տեղաշարժվում: Թե արդյոք կինը ծանոթ էր տղամարդուն՝ չի հաղորդվում:

Զավեշտալի տեսանյութը տեղադրվել է Twitter սոցկայքում՝ Էշլի Մաաս անունով օգտատիրոջ կողմից: Այն դիտվել է մոտ 1,9 մլն անգամ:

Վերջին օրերին ԱՄՆ մի շարք շրջաններում հորդառատ անձրևները ջրհեղեղի պատճառ են դարձել, շատ տարածքներ ջրի տակ են անցել:

Բաժանորդագրվեք Top-News.am-ին Telegram-ում