Աթենքը Վաշինգտոնից օգնություն է խնդրել Թուրքիայի հետ խնդիրներ ծագելու դեպքում
Աթենքը Վաշինգտոնից «կապի մաքուր գիծ» է խնդրել Թուրքիայի հետ «խնդիրների» առաջացման դեպքում։ Այս մասին ասել է Հունաստանի արտաքին գործերի նախարար Նիկոս Դենդիասը ԱՄՆ պետքարտուղար Մայք Պոմպեոյի հետ Վաշինգտոնում հանդիպումից հետո, տեղեկացնում է Ekathimerini-ն։
Դենդիասն ասել է, որ «երջանիկ» է, որ իր առաջին հանդիպումներից մեկը որպես արտգործնախարար եղել է Պոմպեոյի հետ, որի հետ քննարկել է նաեւ ռազմավարական երկխոսությունը երկու երկրների միջեւ եւ դրա հետագա խորացման հնարավորությունը։ Նրա խոսքով՝ նա Պոմպեոյին հրավիրել է մասնակցելու ռազմավարական երկխոսությանը, որը տեղի կունենա Աթենքում։
Զրուցակիցները նաեւ քննարկել են տարածաշրջանային էներգետիկ իրադարձությունները եւ եռակողմ համագործակցությունը Հունաստանի, Իսրայելի եւ Կիպրոսի միջեւ, որին աջակցում է ԱՄՆ-ը։
Իր կողմից՝ Պոմպեոն իր Թվիթերում նշել է, որ «Հունաստանը կայունության հենարանն է Արեւելյան Միջերկրածովում եւ Բալկաններում եւ ՆԱՏՕ կարեւոր դաշնակիցը»։ «Մենք անհամբերությամբ սպասում ենք սերտ համագործակցության շարունակմանը՝ տարածաշրջանում կայունությանը եւ բարգավաճմանն աջակցելու նպատակով»,- ավելացրել է նա։
Վաշինգտոնի համար ամենահրատապ խնդիրը Համագործակցության համաձայնագրի շարունակումն է երկու երկրների միջեւ փոխադարձ պաշտպանության ոլորտում։
Իրանը հարվածներ է հասցրել Բահրեյնում գտնվող ամերիկյան բազային
Քննարկվել են Հայաստանի ներգրավվածության հնարավորությունները
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Ես չեմ ուզում հիմա բանակցել. Թրամփ
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Թեհրանը հավերժ կմնա Հորմուզի նեղուցի պահապանը․ Արաղչի
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
ՀԷՑ-ը 2 միլիարդի հիմնանորոգում է իրականացնելու
Կենսաչափական նոր անձնագրերի տպագրության մեկնարկը տրված է
Առաջիկա օրերին սպասվում է փոփոխական եղանակ․ ջերմաստիճանը կնվազի