«Իրանը չպետք է մեր զսպվածությունն ընկալի որպես վճռականության պակաս». Փենս
ԱՄՆ փոխնախագահ Մայք Փենսը հայտարարել է, որ Վաշինգտոնը պաշտպանելու է երկրի շահերը Մերձավոր Արևելքում:
Այդ հայտարարությամբ նա հանդես է եկել այն բանից հետո, երբ Իրանի ղեկավարներն ասել են, որ աստիճանաբար չեղարկում են 2015 թվականի միջուկային համաձայնագրով ստանձնած պարտավորությունները:
«Հուսով ենք, որ լավ կլինի, բայց բոլոր դեպքերում մենք, մեր զինված ուժերը, պատրաստ ենք պաշտպանել մեր շահերը, տարածաշրջանում գտնվող մեր զինվորներին և քաղաքացիներին», - ասել է Փենսը:
Իրանի միջուկային գործակալության պաշտոնյաները հաղորդել են, որ ուրանի հարստացման աստիճանը 3.67 տոկոսից կհասցնեն 20 տոկոսի:
«Իրանը չպետք է Միացյալ Նահանգների զսպվածությունն ընկալի որպես վճռականության պակաս», - նախազգուշացրել է Փենսը:
Երեկ Եվրամիությունը հորդորել է Իրանին դադարեցնել այդ ակտիվությունը և չխախտել 2015 թվականի պայմանագիրը:
«Դա վերաբերվում է նաև պայմանագրով սահմանված ուրանի հարստացման քանակին և աստիճանին», - ասել է Եվրամիության արտաքին քաղաքականության պատասխանատու Ֆեդերիկա Մոգերինիի խոսնակ Մայա Կոչիյանչիչը:
Իրանը պնդում է, որ չի բանակցի ամերիկյան պատժամիջոցներին ենթարկվելու պայմաններում:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...