Տաջիկստանում 14 դատապարտյալ հացից մահացու թունավորվել է
Տաջիկստանում գաղութ տեղափոխելիս 14 դատապարտյալ թունավորվել է նրանց բաժանած հացից, «ՌԻԱ Նովոստի»-ին հայտնել են երկրի Արդարդատության նախարարության քրեական պատիժների կատարման վարչությունից:
Գերատեսչությունից հայտնել են, որ դատապարտված 120 տղամարդու եւ 8 կնոջ 3 մեքենաներով Հուջանդ եւ Իստարավշան քաղաքներից տեղափոխում էին Դուշանբե եւ Նուրեկ՝ այնտեղ հետագա պատիժը կրելու: Սահմանված նորմերի համաձայն՝ ճանապարհին ըստ անհրաժեշտության 6 անգամ կայանել են:
«Դուշանբեի մոտ Մայխուրա տեղանքում երեկոյան դատապարտյալներից մեկը 3 բոքոն է բաժանել 16 դատապարտյալների: Հացը գործածելուց կես ժամ հետո ավտոմեքենայի թափքի մեջ գտնվող 16 դատապարտյալների մոտ սրտխառնոց, գլխապտույտ եւ փսխում է սկսվել: Եվս կես ժամ հետո, երբ ավտոմեքենան մտել է ուղղիչ հաստատություն, հացը գործածած 16-ն էլ գիտակցությունը կորցրել են»,- ասել են վարչությունից:
Գերատեսչությունից հայտնել են, որ բժիշկներին հաջողվել է փրկել միայն 2 դատապարտյալի կյանքը:
Թունավորման փաստով, որը հանգեցրել է 14 դատապարտյալի մահվանը, գլխավոր դատախազությունում հարուցվել է քրեական գործ, ստեղծվել է հատուկ քննչական խումբ: Նշանակվել է դատաբժշկական փորձաքննություն, քննությունը երկրի գլխավոր դատախազ Յուսուֆ Ռահմոնի վերահոսկողության ներքո է:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...