Իրանում ասել են՝ որ նախապայմանների դեպքում ԱՄՆ-ի հետ բանակցություններ կսկսվեն
Իրանը կարող է Միացյալ Նահանգների հետ բանակցային գործընթաց սկսել, եթե չեղարկվեն Թեհրանի դեմ ամերիկյան պատժամիջոցները և եթե երկրի գերագույն հոգևոր առաջնորդ այաթոլլահ Ալի Խամենեիից համապատասխան թույլտվություն ստացվի:
Ինչպես հայտնում է Reuters-ը, այս մասին ասել է երկրի հետախուզության հարցերով նախարար Մահմուդ Ալավին:
«ԱՄՆ-ի հետ բանակցությունների հավանականությունը կարելի է դիտարկել միայն այն դեպքում, երբ ԱՄՆ նախագահ Դոնալդ Թրամփը չեղարկի պատժամիջոցները և մեր գերագույն առաջնորդը նման բանակցություններ սկսելու թույլտվություն տա»,-ասել է Ալավին:
Նախարարը հավելել է, որ ամերիկացիներին վախեցնում է Իրանի ռազմական ուժը, և հենց այդ պատճառով էլ նրանք չեղարկել են երկրի դեմ հարձակման որոշումը:
Իրանի Ազգային անվտանգության գերագույն խորհրդի խոսնակը հավելել է, որ, դուրս գալով Իրանի և «միջնորդ վեցյակի» միջև 2015թ. կնքված միջուկային համաձայնագրից, Թրամփը վնասեց հարցի դիվանագիտական լուծման տարբերակին:
Ավելի վաղ Միացյալ Նահանգների նախագահը հայտարարել էր, որ Իրանին ռազմական հարված հասցնելու համար Կոնգրեսից թույլտվություն ստանալու կարիք չունի՝ չնայած, որ թե՛ դեմոկրատ, թե՛ հանրապետական օրենսդիրները պնդում են, որ առանց կոնգրեսական համաձայնության գործելը հակասահմանադրական է:
Բաժանորդագրվեք Top-News.am-ին Telegram-ում
Ես չեմ ուզում հիմա բանակցել. Թրամփ
Իրանը հարվածներ է հասցրել Բահրեյնում գտնվող ամերիկյան բազային
Քննարկվել են Հայաստանի ներգրավվածության հնարավորությունները
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
Թեհրանը հավերժ կմնա Հորմուզի նեղուցի պահապանը․ Արաղչի
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
ՀԷՑ-ը 2 միլիարդի հիմնանորոգում է իրականացնելու
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Առաջիկա օրերին սպասվում է փոփոխական եղանակ․ ջերմաստիճանը կնվազի
Կենսաչափական նոր անձնագրերի տպագրության մեկնարկը տրված է