Կոմպոզիտոր Արամ Խաչատրյանի որդին դիմել է դատարան

Հայտնի կոմպոզիտոր Արամ Խաչատրյանի որդին` Կարեն Խաչատրյանը, դատարանի որոշմամբ 300 հազար ռուբլու տեսքով փոխհատուցում է ստանալու ժառանգի իրավունքների խախտման համար:

Կարեն Խաչատրյանը հայցը ներկայացրել էր Մոսկվայի Սոլնցևսկի դատարան: Կոմպոզիտորի մահից հետո որդին ստացել էր իրավունք հոր կողմից գրված «Սպարտակ» բալետի երաժշտության համար: 2018-ին նա հայտնաբերել է, որ հայտնի ներկայացումը միաժամանակ ցուցադրվում է Ղրիմի, Սոչիի մի քանի թատերական հրապարակներում, ինչպես նաև Յուրմալայում:

Համապատասխան պայմանագիրը Կարեն Խաչատրյանի՝ որպես բալետային երաժշտության իրավունքի սեփականատիրոջ հետ, չէին կնքել Մոսկվայի բալետի թատրոնը, Մոսկվայի ակադեմիական թատրոնը և Սոչիի համերգների ֆիլհարմոնիկ ընկերությունը:

Մոսկվայի բալետի թատրոնն ընդունեց, որ Մոսկվայում, Սոչիում և Յուրմալայում բալետը ցուցադրել են անօրինական կերպով: Իսկ պատճառը եղել է այն, որ վերջին պահին գործակալը հրաժարվել էր կոմպոզիտորի ժառանգի հետ պայմանագիր կնքել։

Բաժանորդագրվեք Top-News.am-ին Telegram-ում