Ֆրանսիան Իտալիային մեղադրել է հիստերիայի մեջ

Ֆրանսիան Իտալիային միգրացիայի հարցի պատճառով մեղադրել է հիստերիայի մեջ, հաղորդում է AP-ը:

Անցած տարի Փարիզն ու Հռոմը բազմիցս բախվել են այդ հարցով: Իտալիայի կառավարությունը փորձում է խանգարել բարեգործական փրկարարական նավերին, որոնք ներգաղթյալներին Իտալիա են տեղափոխում:

«Կարծում եմ՝ Իտալիայի կառավարությունը չի կարողացել լուծել այդ խնդիրը: Իտալիայի փոխվարչապետ Մատեո Սալվինիի պահվածքն անընդունելի է: Դա ցավալի եւ բարդ հարց է»,- ասել է Ֆրանսիայի կառավարության խոսնակ Սիբետ Նդիայը ֆրանսիական BFM հեռուստաալիքին:

Սալվինին, որը ղեկավարում է Իտալիայի ամենախոշոր «Լիգա» կուսակցությունը, պատասխան հարված է հասցրել՝ ասելով.

«Միգրացիայի հարցով իմ պահվածքն անընդունելի՞ է: Ֆրանսիայի կառավարությունը պետք է դադարեցնի վիրավորանքներն ու բացի ներգաղթյալների համար իր նավահանգիստները: Իտալացիներն արդեն բավարար չափով ներգաղթյալների են ընդունել եւ մեծ գումարներ են ծախսել: Հաջորդ նավը պետք է Մարսել ուղեւորվի»:

Սալվինիի վերջին գործողությունները հանգեցրել են նրան, որ Նիդերլանդների դրոշով նավը մոտ 41 աֆրիկացի է տեղափոխել Իտալիա:

Փետրվարին Ֆրանսիան հետ էր կանչել Հռոմից իր դեսպանին: Նշենք, որ Սալվինին շա շարունակ քննադատում է Ֆրանսիայի իշխանություններին ու անձամբ նախագահ Մակրոնին՝ ներգաղթյալների հարցում, իր համոզմամբ, ծայրահեղ ազատական քաղաքականության համար:

Բաժանորդագրվեք Top-News.am-ին Telegram-ում