Իտալացին ցորենի արտում տրակտորով «նկարել» է Վլադիմիր իշխանի պատկերը (լուսանկար)

Իտալացի նկարիչ Դարիո Գամբարինը, կտավի, ներկերի և վրձնի փոխարեն օգտագործելով տրակտոր ու մեծ դաշտը, ստեղծել է ռուսական պատմության ամենաառանցքային դեմքերից մեկի՝ Վլադիմիր Մեծի պատկերը:

Ինչպես նշում է ria.ru-ն, իտալացին ուշագրավ աշխատանքը ստեղծել է ՌԴ նախագահ Վլադիմիր Պուտինի՝ Իտալիա և Վատիկան կայանալիք այցին ընդառաջ:

«Նախևառաջ երկուսին էլ միավորում է անունը: Բացի այդ, 2013թ. Հռոմի պապ Ֆրանցիսկոսի հետ առաջին հանդիպման ժամանակ Պուտինը նրան նվիրել էր Վլադիմիրի տիրամոր սրբապատկերը: Ես ցանկացա պատասխան սիրալիր քայլ անել, և նրան նվիրեցի Ռուսաստանում ամենաշատ երկրպագվող սրբերից մեկի՝ Վլադիմիր իշխանի պատկերը»,-ասել է Գամբարինը:

Ցորենի արտում 11 ժամվա ընթացքում ստեղծված 200 մետրանոց պատկերն ունի 24 000 քմ մակերես:

Հայտնի է, որ Վլադիմիր իշխանի օրոք տեղի է ունեցել Ռուսիայի քրիստոնեացումը։ Հետագայում իշխանը սրբացվել է:

 Բաժանորդագրվեք Top-News.am-ին Telegram-ում