Ամերիկուհին խոստովանել է, որ Օբամային ականապատված ծանրոց է ուղարկել

Տեխասի բնակիչն իրեն մեղավոր է ճանաչել ԱՄՆ նախկին նախագահ Բարաք Օբամային, նահանգապետին եւ սոցիալական ծառայության աշխատակցին ականապատված ծանրոցներ ուղարկելու մեջ, հայտնում է տեղական Houston Chronicle պարբերականը:

Պարբերականի տեղեկություններով՝ Ջուլյա Փոֆը Հյուսթոնի դատարանում խոստովանել է, որ 2016 թվականի հոկտեմբերին Օբամայի գրասենյակ է ուղարկել պայթուցիկ նյութով փաթեթ:

Նախագահից բացի, եւս մեկ հասցեատեր է դարձել Մերիլենդ նահանգում սոցիալական ծառայության աշխատակիցը, որտեղ Փոֆին մերժել են հաշմանդամության նպաստ տալ: Այս երկու ծանրոցները հայտնաբերվել են ստուգելիս: Տեխասի նահանգապետ Գրեգ Էբոթի համար նախատեսված ծանրոցը հասել է ըստ նշանակության, բայց չի պայթել, երբ այն բացել են:

ՀԴԲ քննիչներին հաջողվել է ծանրոցում հայտնաբերված մազի միջոցով ապացուցել, որ կինն է ծանրոցներն ուղարկողը. մազը, ինչպես պարզվել է, պատկանել է Փոֆի տանն ապրող կատվին:

Փոֆին կարող է սպառնալ մինչեւ 10 տարվա բանտարկություն եւ մինչեւ 250 հազար դոլարի տուգանք:

Բաժանորդագրվեք Top-News.am-ին Telegram-ում