Վրաստանի նախագահի խոսնակ. «Գազպրոմ»–ի հետ նոր համաձայնագրի պայմանները նախկինից շատ ավելի վատն են
«Գազպրոմ»–ի հետ Վրաստանի նոր համաձայնագրի պայմանները նախկինից շատ ավելի վատն են, հայտարարել է Վրաստանի նախագահ Գեորգի Մարգվեաշվիլիի մամուլի խոսնակ Էկա Միշվելաձեն, հաղորդում է GHN գործակալությունը։
Միշվելաձեի խոսքով, նախագահը համարում է, որ խուսափել պայմանագրից բխող կորուստներից հնարավոր էր, սակայն ինչ–որ պատճառով նման փորձերը «ձախողվեցին»։ Վրաստանի նախագահի ներկայացուցիչը նշել է, թե այժմ հարկ է պատասխանել հարցին՝ ինչո՞ւ է Վրաստանը թուլացրել դիրքերը երկրի համար ռազմավարական նշանակություն ունեցող այդ հարցում։
Միշվելաձեն հայտարարել է, որ այդ հարցով պետք է զբաղվի խորհրդարանը, եւ «նախագահը հորդորում է կառավարությանը՝ մասնակցել գործընթացին եւ կատարել Սահմանադրությամբ գործադիրի վրա դրված պարտականությունները»։
Բանակցությունների արդյունքներով Վրաստանը համաձայնել է ստորագրել Հայաստան Վրաստանի տարածքով ռուսական գազի տարանցիկ տեղափոխման երկամյա պայմանագիրը։ 2017թ. տրանզիտի համար վճարումը իրականցվելու է գազով, որից հետո կատարվելու է ֆինանսական վերջնահաշվարկ։ Նոր համաձայնագրով Վրաստանը կկարողանա գազի լրացուցիչ խմբաքանակ ձեռք բերել 14 տոկոս զեղչով՝ 185 դոլարով մեկ խորանարդ մետր գազի դիմաց։
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
ԲՀԿ-ն դիմել է ՍԴ՝ վիճարկելու ընտրությունների արդյունքները