ԱՄՆ-ում հանցագործը բռնվել է իր սկյուռի հանդեպ սիրո պատճառով

Հնարավոր է, որ հանցավոր շրջապատում Ալաբամա նահանգի Աթենս քաղաքի 35-ամյա բնակիչ Միկկի Պոլկին անվանեն ոչ պրոֆեսիոնալ հանցագործ, սակայն անկարելի է հիանալ իր սկյուռի հանդեպ նրա՝ տխմարության հասնող սիրով, հաղորդում է Life-ը՝ հղում անելով NBC հեռուստաալիքին:

Հեռուստաալիքի տեղեկություններով՝ տղամարդն իր տանը զենք էր պահում, մանր հանցագործություններով եւ թմրանյութի վաճառքով զբաղվում իր ընկեր Ռոննի Ռեյնոլդսի հետ: Սակայն մի օր նրանց հետքի վրա դուրս եկան իրավապահները:

Օպերատիվ հետախուզական միջոցառումների ընթացքում իրավապահներին հաջողվել է արագ գտնել հասցեն, որտեղ ապրում են հանցագործները, ինչպես նաեւ պարզել, որ արգելված նյութերից բացի, հանցագործները տանը սկյուռ են պահում, որը տառապում է ամֆետամինի կախվածությունից, որով նրանք հատուկ էին կերակրում կենդանուն, որպեսզի վերջինս ագրեսիվ դառնա:

Ոստիկանները խուզարկել են տունը, առգրավվել զենքն ու թմրանյութը, ինչպես նաեւ հայտնաբերել սկյուռին, որը ճակատագրի հեքնանքով կծել է ոստիկաններից մեկին:

Նահանգի օրենքների համաձայն՝ վայրի կենդանուն տանը չի թույլատրվում պահել, այդ պատճառով կենդանուն բաց են թողել տան մոտ գտնվող այգում:

Պոլկը Facebook-ում տեսագրություն էր հրապարակել, որում բացատրել է, որ ինքը հրեշ չէ եւ երբեք իր սիրելի սկյուռին թմրանյութ չի տվել:

Բաժանորդագրվեք Top-News.am-ին Telegram-ում