45 աստիճան. Ֆրանսիայում նոր ջերմաստիճանային ռեկորդ է գրանցվել

Ֆրանսիացի օդերևութաբաններն ուրբաթ հարավային Գար վարչական շրջանի Վիլվեյ քաղաքում տեղի ժամանակով 13:00-ին (17:00 երևանյան) ջերմաստիճանի նոր բացարձակ ռեկորդ են գրանցել՝ 45.1 աստիճան՝ ըստ Ցելսիուսի: Այս մասին հայտնում է ТАСС գործակալությունը՝ հղում անելով ֆրանսիական աղբյուրին:

Ներկա պահին դա ամենաբարձր ջերմաստիճանն է, որը երբևէ գրանցվել Ֆրանսիայի տարածքում: Ուրբաթ ավելի վաղ օդերևութաբանները տեղեկացրել էին Պրովանս շրջանի Կարպանտրա քաղաքում գրանցված 44.3 աստիճան ռեկորդի մասին: Վերջին անգամ նման ջերմաստիճան գրանցվել էր 2003-ի օգոստոսի 12-ին՝ կրկին Ֆրանսիայի հարավում:

Նախօրեին երկրի իշխանությունները հանդես էին եկել եղանակային վտանգի մասին հայտարարությամբ, որը պահպանվում է 76 վարչական շրջաններում 94-ից: Երկրի ողջ տարածքում ավելի քն 200 դպրոց է փակվել: