Թբիլիսիում զանգվածային ցույցերի անցկացման պատճառ դարձած ռուս պատգամավորը մտադիր է կրկին այցելել Վրաստան
ՌԴ Պետդումայի պատգամավոր Սերգեյ Գավրիլովը, որի այցը Թբիլիսի հակառուսական բողոքներ էր հրահրել Վրաստանում, մտադիր է կրկին այնտեղ մեկնել, գրում է lenta.ru-ն:
Նա հայտնել է, որ ցանկանում է աշնանն իր երեխաների հետ ուխտագնացության մեկնել Վրաստան, «քանի որ մենք չունենք Վրաստանի պես մեկ ուրիշ վայր»:
«Ես շատ եմ ցանկանում այցելել, ես այնտեղ անձնական ծրագրեր ունեմ»,- հայտնել է պատգամավորը:
Ավելի վաղ, Պետդումայի պատգամավոր Սերգեյ Գավրիլովը հայտնել էր, որ Վրաստանի խորհրդարանի միջադեպից հետո տեղի ունեցած բողոքի ցույցերը նախապես պլանավորված են եղել: Խորհրդարանականը հայտարարել էր, որ իր գործընկերների հետ միասին ականատես է եղել «մարդկանց, որոնք դուրս են եկել Ռուսաստանի, երկրի նախագահի դեմ նախապես պատրաստված պաստառներով»:
Հիշեցնենք, որ Թբիլիսիի կենտրոնում բողոքի ակցիաներն սկսվել են հունիսի 20-ին` ՌԴ պետդումայի պատգամավոր Սերգեյ Գավրիլովի ելույթի պատճառով, որը ներկա էր եղել Վրաստանում անցկացվող Ուղղափառության միջխորհրդարանական վեհաժողովի նիստին: Նիստի մեկնարկից հետո նա նստել էր խորհրդարանի խոսնակի աթոռին և հավաքվածներին ռուսերենով ուղերձ հղել:
Հունիսի 20-21-ին Վրաստանի մայրաքաղաքում 305 ցուցարար էր ձերբակալվել, շուրջ 240-ը տուժել էին: Երկու մարդ զրկվել է աչքից:
Ես չեմ ուզում հիմա բանակցել. Թրամփ
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
ՀԷՑ-ը 2 միլիարդի հիմնանորոգում է իրականացնելու
Առաջիկա օրերին սպասվում է փոփոխական եղանակ․ ջերմաստիճանը կնվազի
Կենսաչափական նոր անձնագրերի տպագրության մեկնարկը տրված է
Երևանում շատ բարձր մակարդակի են մատուցողներին ներկայացվող պահանջները. Փաշինյան
Կառավարությունը սկսում է ԹՐԻՓՓ-ի վավերացումը. փաստաթուղթը կուղարկվի ՍԴ
ԱՄՆ-ը 7 ժամ շարունակ հարվածներ է հասցրել Իրանին և վերականգնել ծովային շրջափակումը