Ռոնալդուն իր ռեկորդի մասին. Ես շատ գոհ եմ

Մադրիդի «Ռեալի» հարձակվող Կրիշտիանու Ռոնալդուն մեկնաբանել է իր ռեկորդային նվաճումը Չեմպիոնների լիգայի քառորդ եզրափակչի առաջին խաղում «Բավարիայի» հետ:

Պորտուգալացին իր 100-րդ հոբելյանական գոլը հեղինակեց եվրագավաթներում՝ դառնալով պատմության ընթացքում առաջին ֆուտբոլիստը, որին հաջողվել է հասնել այս ցուցանիշին:

Նրա մոտակա հետապնդողը «Բարսելոնայի» հարձակվող Լիոնել Մեսսին, որի ակտիվում 97 գոլ կա.

«Ես շատ գոհ եմ, ցանկանում էի հասնել այս նվաճմանը: Մեծ պատիվ է, երբ նման արդյունք ես գրանցում: Եվ շատ ավելի լավ է, որ սա տեղի ունեցավ այնպիսի մրցակցի հետ խաղում, ինչպիսին «Բավարիան» է»,- Ռոնալդուի խոսքերն է փոխանցում «AS»-ը:

«Ռեալը» 2:1 հաշվով հաղթեց մյունխենցիներին, իսկ անձամբ Ռոնալդուն դուբլի հեղինակ դարձավ: Թիմերի միջև պատասխան խաղը կկայանա ապրիլի 18-ին Մադրիդում:

tert.am