Իտալիան ցանկանում է Եվրոպայում դառնալ Վաշինգտոնի մերձավորագույն գործընկերը. Մատեո Սալվինի
Իտալիայի փոխվարչապետ եւ ՆԳ նախարար Մատեո Սալվինին Միացյալ Նահանգների մայրաքաղաքում ԱՄՆ նախագահ Դոնալդ Թրամփի վարչակազմի հետ հանդիպումների ընթացքում հայտարարել է, որ Իտալիան ցանկանում է Եվրոպայում դառնալ Վաշինգտոնի մերձավորագույն գործընկերը, հայտնում է The Guardian-ը:
Պարբերականը նշում է, որ Սալվինին հասկացրել է, որ Եվրոպայում ցնցումների ժամանակահատվածում ԱՄՆ-ի եւ Իտալիայի ավելի սերտ հարաբերությունների զարգացման հնարավորություն է տեսնում:
ԱՄՆ պետքարտուղար Մայք Պոմպեոյի հետ հանդիպումից հետո Սալվինին լրագրողներին ասել է. «Այն պահին, երբ Եվրոպայի ինստիտուտները դյուրաբեկ են եւ զգալի փոփոխություններ են կրում, Իտալիան ցանկանում է ԱՄՆ-ի համար դառնալ ամենաամուր, արդյունավետ, հետեւողական եւ հավանական գործընկերը»:
Պարբերականը նշում է, որ Սալվինին նաեւ պետք է հանդիպի ԱՄՆ փոխնախագահ Մայք Փենսի հետ, եւ առայժմ հայտնի չէ՝ կկայանա՞ նաեւ կարճատեւ հանդիպում Միացյալ Նահանգների նախագահ Դոնալդ Թրամփի հետ՝ որպես քաղաքական աջակցության ժեստ:
Սալվինին Թրամփի հետ հարաբերությունները զարգացրել է նախագահական ընտրություններից սկսած եւ հայտարարել, որ այն դեպքում, երբ «մյուս երկրներն ընտրել են այլ ճանապարհներ», «Իտալիան ցանկանում է դառնալ Մայրցամաքային Եվրոպայում արեւմտյան խոշորագույն ժողովրդավարության ամենակարեւոր գործընկերը»:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Էլեկտրաէներգիայի ընդհատումներ կլինեն Երևանում և մարզերում․ հասցեներ
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Սիթի ՍՊ ընկերության մի քանի աղցանի արտադրությունը կասեցվել է
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով