Թրամփը մտադիր է չեղարկել Լեհաստանի հետ վիզային ռեժիմը
ԱՄՆ նախագահ Դոնալդ Թրամփը հայտարարել է, որ լեհերի համար վիզայի հնարավոր չեղարկման մասին որոշումը հավանաբար կընդունվի 90 օրվա ընթացքում, գրում է korrespondent.net-ը:
Թրամփի խոսքով՝ Լեհաստանը համապատասխանում է Visa Waiver ազատ ռեժիմի ծրագրին միանալու համար անհրաժեշտ բոլոր չափորոշիչներին: Նա պատասխանել է նաև այն հարցին՝ արդյոք վիզային ռեժիմի չեղարկման մասին որոշումը կհայտարարվի սեպտեմբերին Թրամփի՝ Լեհաստան կատարելիք այցի ժամանակ:
«Կարծում եմ՝ հիանալի գաղափար է, շնորհակալ եմ առաջարկի համար: Մենք առաջ ենք շարժվում, չնայած դա բարդ գործընթաց է: Քիչ թվով երկրների ենք առաջարկում միանալ այս ծրագրին, և Լեհաստանը դրանցից մեկն է: Կարծում եմ՝ հավանական է, որ առաջիկա 90 օրվա մեջ այդ հարցի շուրջ որոշում ընդունենք»,- ասել է Միացյալ Նահանգների ղեկավարը:
Հիշեցնենք, որ հունիսի 12-ին Թրամփը և Լեհաստանի նախագահ Անջեյ Դուդան Վաշինգտոնում բանակցություններ են վարել, որից հետո համատեղ մամուլի ասուլիս են տվել: Հանդիպմանը նրանք քննարկել են 2000 ամերիկացի զինվորականի տեղակայումը Լեհաստանում, ինչպես նաև ամերիկյան բնական հեղուկ գազի մատակարարումը դեպի Եվրամիության երկրներ:
Ես չեմ ուզում հիմա բանակցել. Թրամփ
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Երևանում շատ բարձր մակարդակի են մատուցողներին ներկայացվող պահանջները. Փաշինյան
ՀԷՑ-ը 2 միլիարդի հիմնանորոգում է իրականացնելու
Առաջիկա օրերին սպասվում է փոփոխական եղանակ․ ջերմաստիճանը կնվազի
Կենսաչափական նոր անձնագրերի տպագրության մեկնարկը տրված է
ԱՄՆ-ը 7 ժամ շարունակ հարվածներ է հասցրել Իրանին և վերականգնել ծովային շրջափակումը
Կառավարությունը սկսում է ԹՐԻՓՓ-ի վավերացումը. փաստաթուղթը կուղարկվի ՍԴ