Ամերիկացիների քանի տոկոսն է պատրաստ կրկին քվեարկել Թրամփի օգտին. հարցում

Ամերիկացիների մեծամասնությունը 2020-ին կայանալիք նախագահական ընտրություններին ավելի շուտ կաջակցեն դեմոկրատ սենատոր Բերնի Սանդերսին կամ ԱՄՆ նախկին փոխնախագահ Ջո Բայդենին, քան գործող նախագահ Դոնալդ Թրամփին: Սոցհարցումն իրականացրել է Politico պարբերականը՝ Morning Consult ընկերության հետ, հաղորդում է РИА Новости-ն:

Հարցվածների 44 տոկոսը նշել է, որ կքվեարկեր Բայդենի, այլ ոչ թե Թրամփի օգտին, եթե ընտրությունները տեղի ունենային այսօր: Միաժամանակ, Թրամփի թեկնածությանը կողմ է արտահայտվել հարցվածների 33 տոկոսը:

Համեմատելով Թրամփին և Սանդերսին՝ հարցման մասնակիցների 42 տոկոսը կողմ է արտահայտվել Սանդերսի, իսկ 32 տոկոսը` գործող նախագահի օգտին:

ԱՄՆ նախագահի մյուս թեկնածուները՝ սենատոր Էլիզաբեթ Ուորենը, Քամալու Հարրիսը, Քորի Բուքերը, նախկին բժիշկ Բետո Օ'Ռուրկը և Հարավային Բենդի քաղաքապետ Փիթ Բուտիջեջան, հարցման համաձայն, զգալիորեն հետ են մնում Դոնալդ Թրամփից:

Նշվում է, որ հարցումն անցկացվել է հունիսի 7-ից 9-ը 1991 քաղաքացիների շրջանում: