Թուրքերը պարտվեցին սառույցների երկրում, իսկ Ռուսաստանը տանջվելով հաղթեց Կիպրոսին

Ֆուտբոլի Եվրոպայի առաջնության H խմբում Ալբանիան սպասված հաղթանակ տարավ Մոլդովայի նկատմամբ՝ 2:0 հաշվով:

Ֆրանսիան, մրցակցի դաշտում, չորս անպատասխան գոլ խփեց Անդորրային, իսկ ամենահետաքրքիր եւ լարված հանդիպումը կայացավ Ռեյկյավիկում:

Թուրքերին լավ չէին դիմավորել, անգամ լրագրողներից մեկը զուգարանակոնքի խոզանակ էր մոտեցրել թուրք ֆուտբոլիստներից մեկի դեմքին, իբր թե ձայնագրիչ է: Թուրքերը որոշել էին այս ամենին պատասխանել խաղադաշտում: Պատասխանը չստացվեց:

21-րդ եւ 32-րդ րոպեներին Սիգուրդսոնը հաշիվը դարձրեց 2:0 եւ թուրքերը կարողացան միայն մեկ գոլով պատասխանել:

Ֆրանսիան, Թուրքիան եւ Իսլանդիան չորս խաղից հետո վաստակել են իննական միավոր: Ալբանիան ունի միայն վեցը:

I խմբում Ղազախստանը 4:0 հաշվով պարտության մատնեց Սան Մարինոյին: Բելգիան առանց դժվարության 3:0 հաշվով հաղթեց Շոտլանդիային, իսկ ահա Ռուսաստանի ազգային թիմը, բառիս բուն իմաստով եւ ռուսաստանցի լրագրողների խոստովանությամբ, տանջվելով մի կերպ 1:0 հաշվով հաղթեցին Կիպրոսին:

Այժմ Բելգիան ունի 12, իսկ Ռուսաստանը՝ ինը միավոր: Այս խումբն այնքան թույլ է, որ նույնիսկ այս խաղով Ռուսաստանը կարող է հավակնել երկրորդ տեղին:

Top-News.am