ԱՄՆ-ում ներկայացրել են վագրի և առյուծի՝ 320 կգ կշռող հիբրիդին (լուսանկարներ, տեսանյութ)
ԱՄՆ-ում կենդանիների պահպանությամբ զբաղվող Մայք Հոլսթոնն ու Քոդի Անթլը վագրի և առյուծի՝ Ապոլոն անունով հիբրիդին զբոսանքի են տարել Հարավային Կառոլինա նահանգի Միրթլ Բիչ քաղաքում, գրում է Daily Mail-ը:
Ապոլոնը մոտ 320 կգ է կշռում, նա արու առյուծի և էգ վագրի հիբրիդ է, որն իր չափերով տարբերվում է էգ առյուծի և արու վագրի հիբրիդից. վերջինս սովորաբար ավելի փոքր է լինում:
Այս հազվագյուտ հիբրիդն առաջին անգամ ի հայտ է եկել 19-րդ դարում՝ Հնդկաստանում, սակայն այն հանդիպում է միայն գերության պայմաններում, քանի որ վայրի բնության մեջ վագրերն ու առյուծներն առանձին են ապրում: Ենթադրվում է, որ աշխարհում այս հիբրիդի 1000-ից էլ պակաս ներկայացուցիչ կա:
Ապոլոնն իր 3 եղբայրների հետ աշխարհում վագրի ու առյուծի առաջին սպիտակ հիբրիդն է, որը ծնվել է 2013թ.-ին:
Ապոլոնի ազգականներից մեկը՝ Հերկուլես անունով կենդանին, վագրի ու առյուծի՝ աշխարհում ամենամեծ հիբրիդն է, որը 408 կգ է կշռում և 3,3 մետր հասակ ունի:
YouTube-ի օգտատերերը բազմաթիվ մեկնաբանություններ են թողել զբոսանքի տեսանյութի տակ: Նրանցից ոմանք հիացել են կենդանու գեղեցկությամբ, մյուսներն էլ դատապարտել են կենդանիների հիբրիդացումը՝ զգուշացնելով երևույթի անբնական լինելու և ստացված կենդանիների առողջությանը սպառնացող վտանգների մասին:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
ԲՀԿ-ն դիմել է ՍԴ՝ վիճարկելու ընտրությունների արդյունքները