Իրանը որեւէ լուրջ գործողություն չի տեսել Եվրոպայի կողմից. Ռոհանի
Իրանի միջուկային համաձայնագրից ԱՄՆ-ի դուրսբերումը միայն բացասական հետեւանքներ է ունեցել երկու երկրների համագործակցության եւ տարածաշրջանի անվտանգության համար: Այս մասին հայտարարել է Իրանի նախագահ Հասան Ռոհանին Գերմանիայի արտաքին գործերի նախարար Հայկո Մաասի հետ հանդիպման ժամանակ, հաղորդում է Mehr-ը:
«Իրանի Իսլամական Հանրապետությունը լի է վճռականությամբ՝ Եվրոպական միության անդամ պետությունների, հատկապես Գերմանիայի հետ քաղաքական եւ տնտեսական կապերը զարգացնելու համար: ԱՄՆ-ն իր միակողմանի որոշմամբ խախտել է համաձայնագիրը, որը կնքվել է 7 երկրների միջեւ, ինչպես նաեւ ՄԱԿ-ի Անվտանգության խորհրդի բանաձեւը՝ ահաբեկչական հարձակումներ իրականացնելով տարածաշրջանում, սակայն, ցավոք, Եվրոպայի կողմից որեւէ պատասխանատու եւ ճիշտ արձագանք չենք տեսնում»,- ասել է Ռոհանին:
Նրա խոսքով՝ իրենց անարդար պատժամիջոցներով Միացյալ Նահանգները գնում է տնտեսական ահաբեկչության ճանապարհով:
Բացի այդ, Ռոհանին նշել է, որ անցած տարվա ընթացքում որեւէ լուրջ գործողություն չեն տեսել Եվրոպայի կողմից՝ չնայած բավականին լավ քաղաքական դիրքորոշմանը:
«Մենք ակնկալում ենք, որ Եվրոպան կհակազդի Իրանի ժողովրդի դեմ ԱՄՆ-ի տնտեսական ահաբեկչությանը»,- հավելել է Իրանի նախագահ Հասան Ռոհանին:
Ես չեմ ուզում հիմա բանակցել. Թրամփ
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
Երևանում շատ բարձր մակարդակի են մատուցողներին ներկայացվող պահանջները. Փաշինյան
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
ՀԷՑ-ը 2 միլիարդի հիմնանորոգում է իրականացնելու
Կառավարությունը սկսում է ԹՐԻՓՓ-ի վավերացումը. փաստաթուղթը կուղարկվի ՍԴ
Առաջիկա օրերին սպասվում է փոփոխական եղանակ․ ջերմաստիճանը կնվազի
Կենսաչափական նոր անձնագրերի տպագրության մեկնարկը տրված է
ԱՄՆ-ը 7 ժամ շարունակ հարվածներ է հասցրել Իրանին և վերականգնել ծովային շրջափակումը