Norway Chess․ Լեւոն Արոնյանի հաղթանակը

Նորվեգիայի Ստավանգեր քաղաքում ընթացող Norway Chess սուպերմրցաշարի 6-րդ տուրում հայկական շախմատի առաջատար Լեւոն Արոնյանը սպիտակներով մրցեց ամերիկացի Ուեսլի Սոյի հետ եւ հաղթանակ տարավ կայծակնային խաղի «արմագեդոն» պարտիայում։

Դասական պարտիայում գրանցվել էր ոչ ոքի։ Արոնյանը վաստակել է 7․5 միավոր եւ ընթացիկ երկրորդ տեղում է՝ առաջատար, աշխարհի չեմպիոն, նորվեգացի Մագնուս Կարլսենին զիջելով կես միավոր։

Հունիսի 12-ին կայանալիք 7-րդ տուրում Լեւոն Արոնյանը սեւերով կխաղա չինացի Յանջի Յուի հետ։

Մրցաշարը բաղկացած է 9 տուրից։