Հենրիխ Մխիթարյանը փրկեց խաղադաշտ մտած երեխաներին (Տեսանյութ)

Եվրո-2020-ի ընտրական մրցաշարի երրորդ տուրի Հայաստան - Լիխտենշտեյն խաղի ավարտից հետո Երեւանի «Հանրապետական» մարզադաշտի խաղադաշտ են մտել երկու երկրպագուներ՝ դեռահասներ։

Անվտանգության աշխատակիցները նրանց դուրս են հանել խաղադաշտից, սակայն Հայաստանի հավաքականի առաջատար Հենրիխ Մխիթարյանը միջամտել է եւ հնարավորություն տվել տղաներին լուսանկարվել իր հետ, ապա հորդորել, որ երեխաների նկատմամբ ուժ չգործադրեն։

Չնայած Մխիթարյանի հորդորին, այսուհանդերձ, անվտանգության աշխատակիցներից մեկը երեխաներից մեկին մեջքից հրել է:

Հիշեցնենք, որ Հայաստանի հավաքականը Լիխտենշտեյնին հաղթել է 3։0 հաշվով։