Կետերի եւ դելֆինների հազվադեպ տեսակներ են հայտնաբերվել Հայնան կղզու մոտ

Չինացի գիտնականները Հայնան նահանգի հարավային ջրավազանում հայտնաբերել են կետերի եւ դելֆինների մի քանի հազվադեպ տեսակներ։ Ինչպես տեղեկացրել է «Սինհուա» գործակալությունը, հայտնագործությունն արվել է մայիսին Հարավչինական ծովում 14-օրյա գիտարշավի ժամանակ , տեղեկացնում է ՏԱՍՍ-ը։

Գիտկանանների հետազոտություններն ընդգրկել են 40 կիլոմետր երկարությամբ եւ 200 կիլոմետր լայնությամբ տարածք Հայնան կղզու մոտ։ Արշավի մասնակիցները, մասնավորապես, բնական պայմաններում հետեւել են կաշալոտի մի քանի էգերի ձագուկների հետ, կտցար կետի, ինչպես նաեւ շերտավոր դելֆինների։ Անսպասելի հանդիպումն այս կաթնասունների հետ, կարծում են չինացի գիտնականները, կարող է վկայել այն մասին, որ այս շրջանը դրանց բնակության միջավայր է հանդիսանում։

Ընդհանուր առմամբ, Խոր ջրերի գիտության եւ տեխնիկայի ինստիտուտի գիտնական Լի Սունհայի խոսքով՝ արշավի ընթացքում հայտնաբերվել է կետերի 27 խումբ։ Նույնականացվել են կետերի եւ դելֆինների յոթ տեսակներ, եւս երկու տեսակ գիտնականներն առայժմ չեն կարողացել պարզել։ Լի Սունհայի կարծիքով՝ արշավը ցույց է տվել կետերի բազմազանության առկայության մասին Հարավչինական ծովում, ինչը կարեւոր նշանակություն ունի դրանց ուսումնասիրման եւ պաշտպանության համար։