Մոսկվայի մետրոյի կայարաններից մեկում 60-ամյա կինն ընկել է գնացքի տակ և մահացել

Մոսկվայի «Դմիտրովսկայա» մետրոյի կայարանում 60-ամյա կինն ընկել է գնացքի տակ և մահացել: Այդ մասին Газета-ի փոխանցմամբ՝ հայտնել է Մոսկվայի մետրոպոլիտենի մամուլի քարտուղար Ալեքսեյ Միշլյաևը:

Նրա խոսքով՝ միջադեպը տեղի է ունեցել Մոսկվայի ժամանակով 22.34-ին: Թոշակառու կինը հանկարծակի ընկել է ռելսերին: Գնացքավարը նկատել է կնոջը, արգելակել է, սակայն գնացքն իներցիայով անցել է նրա վրայով:

Միշլյաևը նշել է, որ անմիջապես դեպքի վայր են ժամանել շտապ օգնության աշխատակիցները, սակայն նրանք արձանագրել են կնոջ մահը՝ հայտարարելով, որ ստացած վնասվածքներն անհամատեղելի են կյանքի հետ:

Միջադեպի առնչությամբ հետաքննություն է իրականացվում, դեպքի վերաբերյալ տեղեկությունն ուղարկվել է դատախազություն: