10 անմոռանալի 11 մետրանոց տուգանայինները ֆուտբոլի պատմության մեջ (տեսանյութ)

1891 թվականի հունիսի 2-ին գործածության մեջ մտավ 11 մետրանոց տուգանային հարվածը: Այդ ժամանակվանից իրացվել են անթիվ-անհամար11մետրանոցներ: Ներկայացնենք ամենաանմոռանալիները:

Ամենադրամատիկ 11 մետրանոցը

1994 թ-ի աշխարհի առաջնության եզրափակչի ժամանակ իտալացի Ռոբերտո Բաջոյի Բրազիլիայի հավաքականի դարպասին չիրացված 11 մետրանոցն, անկաասկած, տեսել են բոլորը: Ավելացրած ժամանակում մրցավեճն ավարտվել էր 0:0, եւ ամեն ինչ լուծում էին 11 մետրանոցները: Ամենակրեւոր հարվածը, որը կարող էր փոխել խաղի արդյունքը, բաժին հասավ Բաջոյին, բայց նա գնդակն ուղարկեց դարպասից վեր... Այդ 11 մետրանոցը նրան հիշեցնում են ամբողջ կյանքում:

 Կրոյֆի արդյունավետ տուգանայինը

1982 թվականին ֆուտբոլի համաշխարհային լեգենդ Յոհան Կրոյֆը մոտեցավ կետին, սուլիչից հետո գնդակը փոխանցեց թիմակցին, ինքը մոտենալով դարպասին պատասխան փոխանցումից հետո գնդակն ուղարկեց դարպասը:

11 մետրանոց ընկնելուց հետո

Մալդիվների հավաքականի դեմ խաղում Աֆղանստանի հավաքականի ֆուտբոլիստ Աշադ Ալին որոշեց մինչեւ գնդակին հարվածելը վազելով թափ հավաքել, սակայն սայթաքեց եւ ընկավ: Ճիշտ է, նա չշփոթվեց, արագ կանգնեց եւ գրավեց մրցակցի դարպասը:

 Միստիկ 11 մետրանոց

Ֆուտբոլում տարբեր հանդիպումներ են լինում: Այդպիսի տարօրինակ հանդիպումներից էր «Բանկոկ Սպորտս քլաբ» եւ «Սատրի Անգթղոնգ» թիմերի միջեւ հանդիպումը: Որոշիչ 11 մետրանոցից առաջ հաշիվը 19:19 էր: Բանկոկյան թիմի խաղացողի հարվածից հետո գնդակը դիպավ դարպասաձողին եւ բարձրացավ վեր, մինչ դարպասապահը տոնում էր հաղթանակը, գնդակը կախարդական ձեւով ետ եկավ եւ մտավ դարպասը:

Կրունկով 11 մետրանոց

Ֆուտբոլի պատմության մեջ կա նաեւ 11 մետրանոց տուգանային հարված, որն իրացվել է կրունկով: Արել է դա ԱՄԷ-ի հավաքականի խաղացող Զեյաբ Ավանը 2011 թվականին: ԱՄԷ-ի հավաքականն առանց այդ էլ հաղթում էր 5:2 հաշվով, բացահայտ ծիծաղելով մրցակցի վրա, մարզիկը սուլիչից հետո շրջվեց եւ հարվածեց կրունկով: 

Զիդանի սուպեր 11 մետրանոցը

2006 թվականի աշխարհի առաջնության ժամանակ Ֆրանսիայի հավաքականի առաջատար խաղացող Զինեդին Զիդանը սուպեր 11 մետրանոց իրացրեց : Ֆանտաստիկ հարվածով եզրափակիչ խաղի հաշիվը բացված էր:

11 մետրանոց առանց խաղակոշիկի

Մարզման ժամանակ «Զենիթի» նախկին խաղացող Հալկը գնդակն իր թիմակցի պաշտպանած դարպասն ուղարկեց երկրորդ հարվածից հետո: Առաջին հարվածի ժամանակ նրա ոտքից թռավ խաղակոշիկը: Եւ թող, որ այս 11 մետրանոցը պաշտոնական խաղի ժամանակ չէր, սակայն այն սոցցանցերով տարածվեց ամբողջ աշխարհում:

Ընկերական 11 մետրանոց

«Բարսելոնայի» հարձակվող Լիոնել Մեսին ուրուգվայցի Լուիս Սուարեսի հետ ընկերություն է անում ոչ միայն դաշտից դուրս: «Սելտայի» հետ հանդիպման ժամանակ Լեոն խաբեց դարպասապահին եւ կետին կանգնած փոխանցում կատարեց ընկերոջը, որն էլ իրացրեց 11 մետրանոցը:

Անիծված 11 մետրանոց

Լեգենդար բրազիլացի Ռոնալդինյոն դիպուկ չհարվածեց անգլիացիների դեմ խաղում: Նույնիսկ նրանից հետո ոչ ոք այդպես էլ չկարողացավ գնդակն ուղարկել դարպասը: Այն կարծես կախարդված լիներ:

Աստծո ոտքը

Այստեղ բոլոր բառերն ավելորդ են: Հիշում ենք 11 մետրանոցը, որը դժվար էր իրացնել: Իգոր Ակինֆեեւը աշխարհի առաջնության 1/8 եզրափակչի ժամանակ Իսպանիայի դեմ խաղի ժամանակ հետ մղեց 2 11 մետրանոցներ՝ երկրորդը հետ մղելով ոտքով: Այն այդպես էլ անվանում են «Աստծո ոտքը»: