Ռուս մարզիկները կրկին դոպինգ-սկանդալի կենտրոնում. հարցականի տակ է Օլիմպիադային մասնակցությունը

The Sunday Times-ը գրում է, որ Ռուսաստանը կարող է զրկվել 2020 թվականին Տոկիոյում կայանալիք Օլիմպիական խաղերի մասնակցությունից: Պատճառը՝ դոպինգ սկադալն է:

Առիթ կարող են հանդիսանալ ռուս ցատկորդ Դանիլա Լիսենկոյի դոպինգ-քննություններից խուսափելն է: Մի քանի անգամ բաց թողնելով դոպինգ ստուգումները, մարզիկն ավելի ուշ ներկայացրել էր բժշկի կեղծ տեղեկանք հիվանդության մասին, ինչի պատճառով չէր կարողացել ներկայանալ ստուգումներին: Պարբերականի աղբյուրները պնդում են, որ տեղեկանքը տրամադրած բուժհաստատության հասցեն գոյություն չունի՝ այդ հասցեում կիսավեր կառույց է:

«Բուժհաստատությունը մտացածին է՝ հեռախոսահամարներից սկսած մինչեւ բժիշկների անունները: Այդ հասցեում բուժհաստատություն չկա»,- իր աղբյուրի խոսքերն է մեջբերում պարբերականը եւ հաղորդում, որ կասկածի տակ են նաեւ ֆեդերացիայի ներկայացուցիչները: Հնարավոր է, որ նրանք փորձել են թաքցնել մարզիկի դոպինգային խախտումները, որպեսզի դրանով իսկ խուսափեն ստուգումներից եւ օգնեն նրան Օլիմպիադայի ժամանակ ոսկի նվաճել:

Այդ իրավիճակը կարող է բերել նրան, որ ռուս մարզիկները զրկվեն Տոկիոյում կայանալիք Օլիմպիադայի մասնակցությունից: 

Իր հերթին ՌԴ Թեթեւ ատլետիկայի ֆեդերացիան հայտարարել է, որ «իրենք էլ են հետաքրքրված օբյեկտիվ հետաքննության հարցում, քանի կասկածելու առիթ չունեն»:

Top-News.am