«Լիվերպուլը» չեմպիոնների չեմպիոն (Լուսանկարներ)

Յուրգեն Կլոպի գլխավորությամբ անգլիական «Լիվերպուլը» երկրորդ անգամ անընդմեջ դուրս եկավ Չեմպիոնների լիգայի եզրափակիչ, բայց ի տարբերություն նախորդ տարվա, այս անգամ վերջապես նվաճեց գավաթը:

«Լիվերպուլն» առաջին գոլը «Տոտենհեմի» դարպասը խփեց արդեն երկրորդ րոպեին, քանի որ առաջին րոպեին մրցավարն արդեն 11 մետրոնոց նշանակեց, որը իրացրեց Սալահը:

Երկրորդ գոլը Մադրիդում լիվերպուլցիների կազմում 87-րդ րոպեին խփեց կիսաեզրափակիչ երկրորդ խաղի լավագույն խաղացողներից մեկը՝ Օրիգին:

Պետք է առանձնացնել նաեւ լիվերպուլցիների դարպասապահ Ալիսոն Բեյքերին, որը երկրորդ խաղակեսում մի քանի անգամ փայլուն խաղ ցուցադրեց, մեծապես նպաստելով իր թիմի հաղթանակին: 

«Լիվերպուլը» վերջին անգամ Չեմպիոնների գավաթը նվաճել էր 2005 թվականին:

Այս խաղի հիշարժան դրվագներից էր մի կիսամերկ աղջկա վազքով մուտքը խաղադաշտ առաջին խաղակեսում, բայց նա էլ չկարողացավ փոխել խաղի ընթացքը:

Ընդգծենք, որ «Տոտենհեմը», չնայած պարտությանը, պետք է որ հաջող համարի այս մրցաշարը, քանի որ մրցաշարի սկզբում նույնիսկ այս թիմի երկրպագուները չէին պատկերացնի, որ իրենք կհասնեն մինչեւ եզրափակիչ:

Top-News.am