«Շատ կարևոր խաղ էր ու շատ կարևոր հաղթանակ». Մխիթարյան (տեսանյութ)
«Մանչեսթեր Յունայթեդի» կիսապաշտպան Հենրիխ Մխիթարյանը հարցազրույց է տվել «MU TV»-ին` կիսվելով «Սանդերլենդի» դեմ տարած հաղթանակի տպավորություններով: «Շատ կարևոր խաղ էր ու շատ կարևոր հաղթանակ: Մենք ամեն ինչ արեցինք հաղթելու համար: Գիտեինք, որ հեշտ չի լինելու, բայց ամեն դեպքում ամենակարևորն այն է, որ մենք շատ լավ խաղացինք և հաղթեցինք: Գոլ խփեցի երկրորդ խաղակեսի մեկնարկից 46 վայրկյան անց, ինչի համար շատ ուրախ եմ: Ցանկանում էի գոլ խփել, միշտ եմ ցանկանում գոլեր խփել: Կարծում եմ՝ շատ կարևոր էր երկրորդ գոլը խփելը, քանի որ խաղը դեռևս չէր ավարտվել ու նրանք սկսել էին փոքր-ինչ վերահսկել խաղի ընթացքը: Թիմակիցներիս շնորհիվ կարողացա երկրորդ գոլը խփել, իսկ խաղավարտին 3-րդը խփեցինք, ու հաղթեցինք»,- ասել է հայազգի ֆուտբոլիստը: