Անտոնիո Բանդերասը վերադառնում է
Կաննի կինոփառատոնում տղամարդու լավագույն դեր անվանակարգում մրցանակ է ստացել Անտոնիո Բանդերասը՝ Պեդրո Ալմադովարի «Ցավ եւ փառք» ժապավենում մարմնավորած կերպարի համար։ Այս մասին հայտնում է «ՌԻԱ Նովոստի» լրատվական գործակալությունը։ Ալմադովարի «Ցավ եւ փառք» դրաման պատմում է տաղանդավոր ռեժիսորի մասին, որը աստիճանաբար կորցնում է հիշողությունը։ «Մենք միասին բազմաթիվ ֆիլմեր ենք նկարահանել։ Ես անսահման հարգում եմ նրան։ Ես այս պարգեւը նվիրում եմ նրան։ Կյանքի խաչուղիներում հանդիպում է ցավ ու տառապանք, սակայն այսօր իմ փառքի գիշերն է»,- ասել է Բանդերասը, ստանալով մրցանակը։