Ճապոնիայում երկու նավ է բախվել
Ճապոնիայում երկու բեռնատար նավեր են բախվել Խաղաղ օվկիանոսում, Տիբա պրեֆեկտուրայի ափերից 11 կմ հեռավորության վրա, մայրաքաղաք Տոկիոյից դեպի արեւելք։ Այս մասին հայտնում է NHK-ն։
Բախման հետեւանքով նավերից մեկը ջրասույզ է եղել։ Ջրասույզ եղած նավի վրա եղած հինգ մարդկանցից չորսն անհետ կորել են։ Նավի հրամանատարը փրկվել է։ Նրա կյանքին վտանգ չի սպառնում։ Նավերի բախումը տեղի է ունեցել գիշերը։ Պատճառը եղել է մառախուղն ու վատ տեսանելիությունը։ Սուզված նավը մոտ 2 հազար տոննա պողպատ էր տեղափոխում եւ ուղեւորվում էր դեպի Օսակա։