ՌԴ-ում ռոումինգի տեսակներից մեկի չեղարկման մասին օրենք են հաստատել

ՌԴ վարչապետ Դմիտրի Մեդվեդևը ստորագրել է կառավարության որոշումը, որով չեղարկվում է անսահմանափակ ռոումինգը կապերի միջև: Այս մասին հայտնում է «ՌԻԱ Նովոստին»:

«Դա այն բանի զարգացումն է, որը եղել է մինչ այս որոշումը՝ այն սահմանում է բջջային ծառայությունների մատուցման կանոնները՝ ռոումինգի վերացումով: Սա հարցի վերջնական լուծումն է, և այս հարցի որոշման վերջակետն արդեն օրենսդրական մակարդակով է դրվել»,- ասել է Մեդվեդևը:

Նա նաև հավելել է, որ բջջային օպերատորները արդեն գործնականում անցել են նոր պայմաններին և այսուհետ երկրի մասշտաբով այդ հարցերն ավելի հեշտ կլուծվեն:

Ռուսաստանում ռոումինգի մի քանի տեսակ է գործում՝ ազգային, կապի օպերատորների միջև և Ղրիմի հետ կապի ռոումինգ: Եվ հիմա հունիսի մեկից չեղարկվում է այդ ռոումինգների ազգային տեսակը: