Միշա Գրիգորյանը, Ռոբերտ Բագրատյանը եւ մնացած մասնակիցները ճանաչվել են «Մանկական ձայնը» նախագծի հաղթողներ

Ընդհամենը մի քանի րոպե առաջ «Մանկական ձայնը» նախագծի հատուկ թողարկման շրջանակներում հայտարարվեց հաղթողի անունը։ Այո, այո, հենց հաղթողներինը․ Էրժան Մաքսիմ, Անաստասիա Սիսաուրի, Ռոբերտ Բագրատյան, Միխայիլ Գրիգորյան, Նինո Չեսներ, Ռենատա Թաիրովա, Վալերի Կուզակով, Մարիամ Աբդելկադեր։

 Բոլոր մասնակիցները Առաջին ալիքի գլխավոր տնօրենի ձեռքից ստացան այդքան ցանկալի արձանիկները։ «Ցանկանում եմ ասել․ «Ձայնը» կլինի։ «Ձայնը» եղել եւ մնում է արդար։ Ինչպես ասվում էր հայտնի հեքիաթում․ ոչ մի կապեր ու գումարներ չեն օգնի, որպեսզի սիրտը մեծանա եւ ոտքերը փոքրանան։ «Ձայնում» հաղթելը կարելի է ապացուցել միայն տաղանդով եւ ողջ երկրին։Կհանդիպենք նոր եթերաշրջանում», - բեմից ասաց Կ․ Էրնստը։

 Նա նաեւ նշեց․ «Չեղարկելով եզրափակչի տվյալները, ցանկանում ենք յուրաքանչյուր երեխայի ասել, որ դուք մեծերի մանիպուլացիաների օբյեկտներ չպետք է լինեք։ Չեղարկելով եզրափակչի տվյալները, ցանկանում ենք յուրաքանչյուր մեծի ասել, որ չարժե անգամ փորձել»։

Նշենք, որ Ալսուի դուստրը, ով ավելի վաղ ճանաչվել էր «Մանկական ձայնի» վեցերորդ եթերաշրջանի հաղթող, որոշել էր չմասնակցել հատուկ թողարկմանը։ Մարզիչները նույնպես ներկա չեն գտնվել հաղորդմանը, սակայն վիդեոհաղորդագրություն էին ձայնագրել, որի միջոցով աջակցել են երեխաներին։