«Արդեն իսկ առկա է քաղաքական հստակ որոշում». Արփինե Հովհաննիսյանը՝ անցումային արդարադատության շուրջ ԱԺ լսումների մասին
Արդեն իսկ առկա է քաղաքական հստակ որոշում: Այս մասին Facebook-ի իր էջում նշել է ԱԺ նախկին փոխնախագահ Արփինե Հովհաննիսյանը՝ անդրադառնալով «Անցումային արդարադատության գործիքների կիրառման հեռանկարները Հայաստանում» խորագրով ԱԺ լսումներին:
Նա,մասնավորապես, նշել է.
«Այսօր՝ մայիսի 24-ին, Հայաստանի Հանրապետության Ազգային ժողովի կողմից հրավիրվել են խորհրդարանական լսումներ «Անցումային արդարադատության գործիքների կիրառման հեռանկարները Հայաստանում» խորագրով։
Խորհրդարանական լսումների ձեւաչափը ինքնին ենթադրում է բոլոր շահագրգիռ կողմերի կարծիքների հաշվառմամբ գնահատականի ձեւավորում, սակայն իշխող քաղաքական ուժի ներկայացուցիչների հայտարարությունները, առանց համապատասխան օրենսդրական փոփոխություննեների անցումային արդարադատության գործիքների կիրառման մեկնարկի կոչերը, միայն անցումային արդարադատությանը խիստ ջատագով փորձագետների հրավիրումը վկայում են, որ նշված ինստիտուտի վերաբերյալ արդեն իսկ առկա է քաղաքական հստակ որոշում։
Ուստի «Իրավական կրթություն եւ վերահսկողություն» հասարակական կազմակերպությունը համարում է, որ լսումները կրում են զուտ ձեւական բնույթ եւ միտված են պատրանք ստեղծելուն, որ այդչափ կարեւոր ինստիտուտի ներդրումը իրականացվում է ներառականության եւ թափանցիկության պայմաններում։
Ստեղծված իրավիճակում «Իրավական կրթություն եւ վերահսկողություն» հասարակական կազմակերպությունը չի մասնակցելու խորհրդարանական լսումներին՝ միեւնույն ժամանակ չդադարելով տարբեր հարթակներով ներկայացնել ամբողջական, մասնագիտական տեղեկատվություն անցումային արդարադատության իրականցման բոլոր հնարավոր ռիսկերի եւ վտանգների մասին»:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ